ميرنا جميل تكشف عن علاقتها مع الله ومواقف في حياتها

كشفت الفنانة ميرنا جميل، عن علاقتها مع الله من خلال مواقف عديدة حصلت في حياتها.

وقالت ميرنا جميل: "بحس إني قريبة من ربنا أوي وبحسه بيحبني عشان في حاجات حصلت في حياتي ربنا اتدخل أوي وأنقذني منها بحماية، ربنا نجاني من حوادث عربيات ومن تجارب وحشة وطلعت منها سليمة".

وتابعت: "موضوع الأحلام.. بابا قبل ما يموت حلمت بيه وعرفت، وحلمت بحد تاني وتوفى.. موضوع الأحلام والحاسة السادسة أوفر أوي، صوتي الداخلي بيقولي متعمليش كده وبطلع صح".

وأضافت ميرنا جميل: "بكلم ربنا وبحسه بيسمعني، وأنا صغيرة كنت بكتب جوابات وبحطها في الدرج وأحكي لربنا، وأهلي عرفوا كل أسراري منها".